UBUVUZI BUGEZWEHO BUDUSABA GUKORERA KU MIHIGO
Uyu munsi, ku wa 03 Nzeri 2025, CHUB yateguye umwiherero w’iminsi 2 wahuje abayobozi bayobora serivisi zitandukanye n'abayobozi bakuru b'ibitaro mu rwego rwo kurebera hamwe ibyagezweho mu mwaka wa 2024-2025 ndetse no gufata ingamba zizadufasha guhigura imihigo y'uyu mwaka wa 2025-2026.
Uyu mwiherero wafunguwe n’umuyobozi mukuru w’agateganyo wa CHUB Dr. Ngarambe Christian ashimira abayobozi bose bawitabiriye, abagaragariza ibyagezweho mu mwaka ushize wa 2024-2025, anabagezaho gahunda y’umwiherero.
Mu byaganiriwe, hagarutswe ku byagezweho mu mwaka wa 2024-2025 mu rwego rwa serivisi zigenerwa abarwayi, imashini zifashishwa mu buvuzi, inyubako zifasha mu kunoza serivisi, serivisi nshya ziyongereye kuzari zisanzwe zitangirwa CHUB nka serivisi izajya yita ku buvuzi bwa kanseri, serivisi ivura abana bafite indwara z’umutima, etc….
Umunsi wa mbere ushojwe n’ibitekerezo byatanzwe n’abayobozi bitabiriye inama byibanze ku ngamba zafasha mu kunoza serivisi zihabwa abakiliya, ireme ry’ubuvuzi, imikoranire ndetse no guhanahana amakuru y’ingenzi yafasha mu kunoza serivisi zigenewe abarwayi.
By NTAWURUSHIMANA Jean Nepomuscene
PR